الشاعر أحمد فؤاد نجم …..يا نجم رحت فين ؟،،،
بقلم:ناجي امهز
احمد نجم …….. يا نجم رحت فين ؟
احمد نجم
يا نجم رحت فين
سايب مصر لوحدها
والشعب العربي حزين
دنت يا عمنا كنت حتت سكرة
بالايام المرمرة
ناخد منك كلمة
نرميها على الحكام المسخرة
نضحك ونقول ادي حاجة تعدي بالسنين
احمد نجم
يا نجم رحت فين
يا عمنا فين العباية
والسيجارة ترافق الحكاية
ودلع على الصبايا
كانك معدتش العشرين
مش لانك غاوي معاكسة
بس انت ماتحبش تكون بزمن
النكسة
وتقول انت عديت الثمانين
وتصير اوجاعك اكبر
من وجع فلسطين
احمد نجم
يا نجم رحت فين
يا عمنا الارض بتتكلم عربي
انت علمتنا
والدم عربي والجرح عربي
قلتها وفهمتنا
بس انك هجرتنا
من قبل ما تقلنا
طب ايه ذنبنا
ونحن نحبك من قلبنا
والله دنت جرحتنا
ودمعنا فوق الخدين
احمد نجم
يا نجم رحت فين
ياعمنا مية سنة وانت سجين
مقدرتش عليك الدنيا كلها
تمنعك من الكلمتين
مصر لوحدها
والشعب العربي بالملايين
يردد هما مين واحنا مين
هم الامراء والسلاطين
بس والله كنا بيك فرحانين
لانك انس
وصبح وامس المعترين
احمد نجم
يا نجم رحت فين
يا عمنا الموت علينا حق
ما نقدرش نقول ليه لاء
بس بدري
دا الدم العربي بيجري
ملا الدنيا اللوان احمر وخمري
والاغاني بطل ليها معاني
رقصني وانا عرياني
والزعامة كذب بالسياسة
والاقتصاد نحاسة
وحطينا مكان الدماغ طاسة
مليانة نجاسة
حتى الخوف ركبنا
وسكن قلوبنا
ودمر بيتنا
الراجل يعيط ادام المدام
ويقلها والله الفقر هد حلنا
منين اجيب العيش والطعام
وعايزاني عنتر يا ستنا
روحي وانت طالق
ابوكي على ابو ذريتنا
معتدش قادر احلم
من ولاد الحرام
يلي سرقوا حتى احلامنا
وحريتنا
يا راجل بلاك حتموت ابتسامتنا
والصبر يرحل من حتتنا
احمد نجم ليه قلت دا اخر الكلام
وانت عارف انك حكايتنا وغنوتنا
احمد نجم ريحتهم منك ليه
دنت كنت قارفهم للسلاطين
ومنعنش قلوبنا ولو بكلمتين
احمد نجم
يا نجم رحت فين
دلوقت كلنا معاك
من فلسطين
لمصر
لمسواك
من بيتك لمسجد الحسين
ناجي امهز
